Saluton!
Mia esperanta nomo estas Gratulo. Sed mi ĉiam trompiĝis, kiam oni diras gratulon al aliaj. Do, bonvolu nomi min Graĉjo.
Mi eklernis Esperanton antaŭ unu jaro, sed ne povis daŭrigi la lernadon, ĉar mi devis lerni juron por fariĝi advokato en lasta jaro. Do, mi tutsume nur dum tri monatoj lernis la lingvon.
Mia motivo por fariĝi esperantisto estas pro ideoj de d-ro Zamenhof. Mi ĉiam afliktiĝis pri tekniko por homaro kaj egaleco de scio. Kaj mi pensas, ke Esperanto estos unu el la plej taugaj iloj de mia celo.
Mi amas pacon kaj egalecon en ideo de Zamenhof. Speciale, mi rimarkis egalecon en samnacianoj krom tiu inter nacioj. Mi pensas, ke serioza estas malegaleco inter tiu, kiu povas lerni lingvon de potenca nacio, kaj alia, kiu ne povas. Mi tre amas facilecon de Esperanto.
Mi studis elektran teknikon en universitato kaj juron en postuniversitato. Mia studado de la tekniko kaj juro estis por serĉi la vojon por prospero kaj egaleco. Sed mi ne trovis utilan rimedon en tio.
Nun mi tre ĝojas, ĉar mi pensas, ke mi povas realigi mian celon per Esperanto kaj amikiĝi kun multaj bonaj samideanoj kiel esperantistoj. Do, mi volas rediri gratulon por nia renkontiĝo al miaj kamaradoj. Estas gratulo renkonti vin.
Nuntempe mi aliĝis al Korea Esperanto- Junularo(KEJ) kaj kreis statuton de KEJ. Mi ofte renkontas Radikon(KANG Bulhui) kaj Jasmenan (SEO Huiyun) kaj aliajn. Mi ĉiam ĝojas kun ili.
Mi aliĝis al Esperanto-vilaĝo en Namkang- Lernejo antaŭ unu jaro kun japanaj junuloj. Tiam mi parolis kun japanoj ĝoje, kiam mi lernis Espernton dum nur unu monato. Kun plena ĝojo mi mem surpriziĝis pro la parolado ebla kun nenia problemo en Esperanto.
Mi esperas, ke ĉiu povos lerni kaj ĝui Esperanton kiel mi.
(Tiu artikolo ankau estas en la organo 'La Lanterno Azia' majo 2016 de KEA)
댓글 없음:
댓글 쓰기